वाशिंद रेल्वे स्थानकात प्रवाशांनी दादर-अमृतसर एक्सप्रेस रोखली
मंगळवारी सकाळी आसनगाव स्थानकाजवळ नागपूर-मुंबई दुरांतो एक्सप्रेसचे 7 डबे रुळावरून घसरले होते. त्यामुळे कसारा- टिटवाळा मार्गावरील वाहतूक ठप्प झाली होती. या घटनेला तीन दिवस उलटून गेले तरी अद्याप रेल्वे सेवा पूर्वपदावर आलेली नाही. या मार्गावर सध्या टिटवाळापर्यंतच रेल्वे सुरु आहेत. त्यापाठोपाठ मंगळवारी दुपारनंतर मुसळधार पावसाने झोडपल्याने मध्य रेल्वे सेवा विस्कळीत झाली आहे . त्यामुळे येथील प्रवाशांचे हाल होत आहेत.
