चेन्नई, दि. 12, सप्टेंबर - ऑस्ट्रेलियाचा सलामीवीर रॉन फिंच याला भारत दौ-यावरील अध्यक्षीय संघाविरूद्ध होणा-या सराव सामन्याला मुकावे लागणार आहे. चेन्नईतील चिदंबरम स्टेडियममध्ये उद्या (12 सप्टेंबर) हा सामना खेळण्यात येणार आहे. परंतु, पोटरीच्या दुखापतीमुळे फिंचला या सामन्याला मुकावे लागणार आहे. ऑस्ट्रेलिया क्रिकेट मंडळाच्या संकेतस्थळावरील माहितीनुसार, भारताविरूद्धच्या मालिकेदरम्यान फिंचच्या दुखण्याने उचल खाऊ नये, म्हणून त्याला विश्रांती देण्यात आली आहे. गोलंदाज हिल्टन कार्टराईट हा देखील या सामन्याला मुकण्याची शक्यता आहे. सोमवारी सराव सत्रातही तो खेळू शकलेला नव्हता. संघातील त्याच्या समावेशाबाबत उद्या सकाळी निर्णय घेण्यात येणार आहे.
