सांगली जिल्ह्यातील वारणा धरणात 34.30 टी.एम.सी पाणीसाठा

सांगली, दि. 26, सप्टेंबर -  जिल्ह्यातील वारणा धरणात आज अखेर 34.30 टी.एम.सी. पाणीसाठा असून या धरणाची साठवण क्षमता 34.40 टी.एम.सी. इतकी  असल्याचे जलसंपदा विभागाने कळविले आहे.
आपल्या शेजारील सातारा जिल्ह्यातील कोयना धरणामध्ये 104.71 टी.एम.सी इतका पाणीसाठा असून धरणाची साठवण क्षमता 105.25 टी.एम.सी, धोम धरणात  12.74 टी.एम.सी पाणीसाठा असून साठवण क्षमता 13.50 टी.एम.सी, कन्हेर धरणात 9.99 टी.एम.सी. पाणीसाठा असून साठवण क्षमता 10.10 टी.एम.सी. तसेच  कोल्हापूर जिल्ह्यातील दूधगंगा धरणात 25.40 टी.एम.सी पाणीसाठा असून साठवण क्षमता 25.40 व राधानगरी धरणात 8.22 टी.एम.सी पाणीसाठा असून साठवण  क्षमता 8.36 टी.एम.सी. आहे. अलमट्टी धरणात 122.66 टी.एम.सी. पाणीसाठा असून साठवण क्षमता 123 टी.एम.सी. आहे. सांडवा, कालवा व विद्युतगृहाव्दारे  वारणा धरणातून 767 क्यूसेक्स तर कोयना धरणातून 6 हजार 654 क्यूसेक्स पाण्याचा विसर्ग सुरू असल्याचे जलसंपदा विभागामार्फत कळविण्यात आले आहे.
कृष्णा नदीची आजची पाणी पातळी व कंसात इशारा पातळी फूटामध्ये पुढीलप्रमाणे आहे. कृष्णा पूल कराड 21.6 (45), आयर्विन पूल सांगली 11 (40), अंकली  पूल हरिपूर 14.1 (45.11).