पृथ्वी शॉचे 17 व्या वर्षी दुलीप करंडकात शतक
नाणेफेक जिंकून अगोदर फलंदाजी करताना इंडिया रेडने 89 धावांवर 2 विकेट्स गमावल्या. मात्र यानंतर कर्णधार दिनेश कार्तिक आणि पृथ्वी शॉ यांनी शतकी भागीदारी पूर्ण केली.
पृथ्वी शॉने 2016-17 च्या रणजी मोसमातल्या उपांत्य सामन्यात तामिळनाडूविरूद्ध रणजी स्पर्धेत पदार्पण केलं होतं. या पदार्पणाच्या सामन्यातच त्याने शानदार शतक झळकावलं होतं. त्यानंतर आता दुलीप करंडकामध्येही त्याने पदार्पणातच शतक पूर्ण केलं. विशेष बाब म्हणजे मास्टर ब्लास्टर सचिन तेंडुलकरनेही रणजी, दुलीप आणि इराणी करंडक या देशातल्या महत्त्वाच्या स्पर्धांमध्ये पदार्पणातच शतक झळकावण्याचा पराक्रम गाजवला आहे. त्यामुळे रणजी आणि आता दुलीप करंडकात शतक ठोकून पृथ्वी सचिनच्या या विक्रमाच्या जवळ पोहोचला आहे.
