1993 मुंबई साखळी स्फोट : 7 सप्टेंबरला दोषींना शिक्षा सुनावणार!
पोर्तुगालशी भारताने केलेल्या गुन्हेगार हस्तांतरण कायद्यामुळे सालेमला फाशीऐवजी जन्मठेपेची शिक्षा देण्यात यावी, अशी मागणी सीबीआयने केली आहे. तर ताहिर मर्चंट, फिरोज खान, करीमुल्ला खान यांना फाशीच्या शिक्षेची मागणी केली आहे. तसंच रियाज सिद्दीकाला जन्मठेपेची मागणी केली आहे. यातील एक दोषी मुस्तफा डोसा याला सीबीआयने फाशीची मागणी केली होती. पण शिक्षेच्या युक्तीवादादरम्यानच त्याचा मृत्यू झाला होता. तर यातला सातवा आरोपी अब्दुल कय्यूम याची कोर्टाने निर्दोष म्हणून मुक्तता केली होती. या खटल्यातील आरोपी दोषी आहेत किंवा नाहीत याचा निकाल कोर्टाने 16 जून रोजी दिला होता.
