’मी कोणाच्या दबावाखाली काम करत नाही - महापौर नितीन काळजे
विषय मंजुरीनंतर सभागृह नेते एकनाथ पवार म्हणाले, पत्रकारांना आम्ही सर्व सुविधा देणार आहोत. मोफत पास देण्याची पत्रकारांनी मागणी केली होती. तसेच पत्रकारांना घरे देण्यासाठीही आम्ही प्रयत्न करणार आहोत. त्यावर शिवसेनेचे गटनेते राहुल कलाटे म्हणाले, पत्रकारांना भाजप नाही तर पालिका देते. आजपर्यंत पत्रकारांना मोफत पास दिले जात होते. परंतु, भाजपच्या कार्यकाळात पत्रकारांना पास देण्यासाठी तीन महिने उशीर झाला आहे.त्यानंतर ग्रामपंचायतमधील कर्मचा-यांना पालिकेत वर्ग करण्याचा विषय उपसूचनेसह मंजूर झाला. त्यानंतर वादावादीला सुरुवात झाली. विरोधी पक्षनेते योगेश बहल म्हणाले, सर्वच विषय उपसूचनेसह मंजूर केले जात आहेत. सभागृह नेते एकनाथ पवार तर म्हणतात राष्ट्रवादीने उपसूचनांद्वारे बक्कळ पैसे कमविले आहेत. भाजपला खोटे काम करायचे आहे. प्रत्येक विषयाला उपसूचन दिली जाते. त्याला सत्ताधारी पक्षाच्या नगरसेवकांनी आक्षेप घेतला. महापौर काळजे यांनी बहल यांना विषयाला धरुन बोलायाला सांगत सत्ता आमची आहे. उपसूचना आम्ही घेऊन मंजूर करुन घेऊ शकतो, असे सांगितले.
