मुख्याध्यापकाच्या हलगर्जीपणामुळे डीएडच्या विद्यार्थिनीचे वर्ष गेले वाया!
सदर तक्रारीत कु.मयुरी हिने सन 2016 मध्ये डिएडच्या अभ्यासक्रमासाठी प्रथम वर्षात प्रवेश घेतला. नियमित अभ्यासक्रम पूर्ण केला व तीन हजार चाळीस रुपये परिक्षा शुल्क मुख्याध्यापक व सचिव यांनी माझेकडून वसूल केले. परंतु सदर शुल्क ही विद्यापीठात भरली नसल्याने माझे शैक्षिणिक वर्ष वाया गेले असल्याचे नमूद करुन 30 मे रोजी प्रवेशपत्र घेण्यासाठी गेले असता मुख्याध्यापक व सचिव यांनी प्रवेशपत्र नाकारले. व तुला परिक्षेला बसता येणार नाही म्हणून सांगितले आणि परीक्षा शुल्क परत घेवून जाण्यास सांगितले. मला उद्धट भाषेत बोलून तुच्छतेची वागणूक दिली. व तुझ्याकडून काय होते ते करुन घे, असे म्हणत धमकी दिली. म्हणून सदर घटनेची योग्य चौकशी करुन माझे शैक्षणिक वर्ष वाया जावू नये म्हणून मला न्याय द्यावा व विलासराव देशमुख अध्यापक महाविद्यालयाच्या मुख्याध्यापक व सचिवांवर कायदेशीर कडक कार्यवाही करावी, अशीही मागणी कु.मयुरी घिवे हिने गटविकास अधिकार्याकडे दिलेल्यानिवेदनाद्वारे केली आहे.
