अल्पवयीन मुलीचे अपहरण; तक्रार दाखल
कंडारी, ता.भुसावळ येथील मुळ रहिवाशी असलेले भिका फकीरा जाधव यांचा दगडापासून पाटे, वराटे बनविण्याचा व विक्रीचा व्यवसाय आहे. 30 मे रोजी भिका जाधव हे पत्नी विमल, मुलगी आरती व अन्य नातेवाईकांसह जळगावात आले. महामार्गावरील अग्रवाल चौकाजवळील रस्त्याला लागून असलेल्या मोकळ्या जागेत त्यांनी बस्तान मांडले होते. दिवसभर काम करुन रात्री त्याच जागेवर हे कुटुंब झोपते. शनिवारी नेहमीप्रमाणे रात्री दहा वाजता हे कुटुंब झोपून गेले होते.आरती हिची आई विमलबाई या रात्री 2 वाजता झोपेतून उठल्या असता मुलगी जागेवर नव्हती. शोधाशोध केल्यानंतरही मुलीचा शोध न लागल्याने त्यांनी याप्रकरणी पोलिसांत तक्रार दाखल केली होती.
