मुंबई-ठाण्यात मुसळधार पाऊस, मध्य रेल्वे धीम्या गतीने
शुक्रवारी पवई तलाव ओव्हरफ्लो झाला होता. त्यात आज दमदार पावसानं हजेरी लावल्यामुळे पवई तलावाजवळच्या रस्त्यावर तलावसदृश्य परिस्थिती निर्माण झाली होती. पवई तलावाजवळ, अंधेरी, चकाला, जेव्हीएलआर, हिंदमाता भागात रस्त्यावर पाणी साचलं आहे. पावसाचा परिणाम सकाळ-सकाळी रेल्वे वाहतुकीवर झाल्याचं दिसत आहे. मध्य रेल्वेची वाहतूक 20 ते 25 मिनिटं उशिरानं सुरु आहे.
