नेपिडो, दि. 08 - म्यानमारमध्ये 116 प्रवासी असलेले लष्कराच्या बेपत्ता विमानाचे अवशेष अंदमान समुद्रात आढळून आले आहेत. याप्रकरणी अधिक माहिती समजली नसून प्रवाशांचा शोध सुरु आहे. आज दुपारी 1.35 च्या सुमारास या विमानाचा रडारसोबत असलेला संपर्क तुटला होता. हे विमान मेयिक आणि यंगून या शहरांच्या दरम्यान बेपत्ता झाल्याचे सांगण्यात आले होते. यामध्ये 105 प्रवासी आणि 11 कर्मचारी प्रवास करत असल्याची माहिती अधिका-यांनी दिली होती.
