सरकारचा गळा योग्य वेळी दाबू - खा . संजय राऊत
खा. राऊत यांनी भाषबरोबर युती करून राज्य सरकारमध्ये सामील होण्यास सुरुवातीपासूनच विरोध केला आहे. शिवसेनेचे मुखपत्र असलेल्या दै . सामनाचे संपादक असलेल्या खा . राऊत यांनी या पूर्वी मोदी सरकार आणि फडणवीस सरकारच्या कारभारावर जोरदार टीका केली आहे. गेल्या वर्षी औरंगाबाद येथे झालेल्या शिवसेनेच्या मेळाव्यात बोलताना खा . राऊत यांनी भाजप सरकारचा कारभार निजामापेक्षाही वाईट असल्याची टीका केली होती. काही महिन्यांपूर्वी झालेल्या मुंबई महापालिका निवडणुकीत भाजप शी जागावाटप करण्यास खा . राऊत यांनी विरोध दर्शविला होता.
पत्रकारांशी बोलताना खा. राऊत म्हणाले की , फडणवीस सरकार शेतकर्‍यांच्या बाजूने निर्णय घेण्यासाठी कचरत असल्याचे दिसून येत आहे . अशा स्थितीत या सरकारमध्ये राहण्यात काहीच अर्थ नाही . या सरकारचा गळा केंव्हा दाबायचा हे आम्हाला चांगले ठाऊक आहे. पक्षाचे प्रमुख उद्धव ठाकरे हे परदेश दौर्‍यावरून भारतात परतल्यानंतर योग्य निर्णय जाहीर करतील.
