हिंगोली, दि. 09 - गुटख्याची चोरटी वाहतूक करताना हिंगोली पोलिसांनी एका वाहनचालकास पकडले .आज गुरूवारी दुपारी सिरसम-हिंगोली रस्त्यावरून एमएच 38-ई- 2317 या वाहनांतून गुटखा नेला जात असल्याची गोपनीय माहिती पोलिसांना मिळाली. पोलिसांनी त्या वाहनास चिंचोली फाट्याजवळ अडविले असता वाहनांतून साडेचार ते पाच लाखांचा गुटखा पोलिसांना सापडला.याप्रकरणी वाहनचालक मिलींद पाईकराव यास पोलिसांनी ताब्यात घेतले घेतले आहे. या मागच्या सुत्रधारांची माहिती अदयाप मिळाली नाही संध्याकाळी वाहनचालकावर गुन्हा दाखल करण्यात आला. सपोउपनि मगन पवार, एन. आर. राठोड, वाढवे आदींनी ही कारवाई केली.
