औरंगाबाद, दि. 09 - गंगापूर येथे तलावात पोहण्यासाठी गेलेल्या दोन तरुणांचा पाण्यात बुडून मृत्यू झाला. ही घटना बुध?वारी दुपारी चारच्या सुमारास घडली. शोयब सत्तार बागवान व सोहेल मोहम्मद तांबोळी (दोघेही 20) अशी त्यांची नावे आहेत. ते मित्रांसोबत पोहण्यासाठी गेले होते. हे दोघे बुडत असल्याचे लक्षात आल्यानंतर इतरांनी आरडाओरड केली. पण, घटनास्थळ गावापासून एक ते दीड किलोमीटर दूर असल्याने मदत मिळण्यास उशीर झाला. दोन तासांच्या परिश्रमानंतर एका तरुणाचा मृतदेह शोधण्यास यश आले. तोपर्यंत गंगापूर पोलिस ठाण्याचे कर्मचारी पोहचले. बर्याच वेळानंतर दुसर्या तरुणाचा मृतदेह सापडला. मृत सोहेल मोहम्मद तांबोळी हा जेष्ठ पत्रकार मोहम्मद तांबोळी यांचा मुलगा होता. शोएब हा जीपचालक सत्तार बागवान यांचा मुलगा होता.
