श्रीनगरमध्ये शाळेत लपून बसलेले 2 दहशतवादी ठार

श्रीनगर,दि.26 : श्रीनगरमधील डीपीएस शाळेमध्ये सुरक्षा दलाच्या जवान आणि दहशतवाद्यांमध्ये सुरू असलेल्या चकमकीत दोन दहशतवाद्यांना कंठस्नान घालण्यात आले. हे दहशतवादी शनिवारी या शाळेत लपून बसले होते. तेव्हापासून चकमक सुरु होती. 
श्रीनगरच्या पांथा चौकात शनिवारी सीमा सुरक्षा दलाच्या ताफ्यावर दहशतवाद्यांकडून हल्ला करण्यात आला होता.या हल्ल्यात पोलीस उप निरीक्षक शहीद झाले होते. तर दोन जवान जखमी झाले होते. दहशतवाद्यांनी डीपीएस शाळेमध्ये घुसखोरी करुन शाळेचा ताबा मिळवला होता. त्यानंतर पोलिसांनी या शाळेला वेढा घालून कारवाई सुरू केली होती. आज या दहशतवाद्यांना ठार केल्यानंतर ही कारवाई संपुष्टात आली.