काश्मीरबाबत मोदी सरकारला धोरणच नाही- सिब्बल
प्रेम पत्र पाठवत असल्याचा आरोप करणारे पाकिस्तानी आता प्रेमाचे ट्विट पाठवत आहेत. दहशतवाद व चर्चा एकाच वेळी होऊ शकत नाही. मात्र दहशतवाद व वाढदिवसाचा केक एकावेळी चालू शकतात. हे कसे काय शक्य आहे, हे केवळ तेच सांगू शकतात, असे सिब्बल यांनी माध्यमांना उद्देशून म्हटले. काश्मीर खो-यातील स्थिती दिवसेंदिवस वाईट होत आहे आणि विद्यार्थी रस्त्यावर उतरून दगडफेक करत आहेत ही अत्यंत गंभीर बाब आहे, असेही सिब्बल म्हणाले. यातून देशासमोर मोठे आव्हान निर्माण होत आहे. युवकांकडून कोणत्याही नेत्याशिवाय देशविरोधी मोहिम सुरू आहे. सरकारने यावर विचार केला पाहिजे. काश्मीरमधील आजचे वातावरण हे शांततेच्या दृष्टीने खूप दूर आहे, असेही सिब्बल म्हणाले.
