गावकर्‍यांच्या श्रमदानाला भारतीय जैन संघटनेची साथ
प्रफुल्ल पारख म्हणाले, श्रमदानाच्या माध्यमातून ग्रामस्थांनी या गावांमध्ये कामे सुरू केली. मात्र जिथे मशिनशिवाय कामे होणे शक्य नाही अशाच ठिकाणी संघटनेने मशिन उपलब्ध करून दिल्या. हे देताना लोकसहभागातून त्यात डिझेलची व्यवस्था करण्याचेही सांगण्यात आले होते. मराठवाड्यातील औरंगाबाद जिल्ह्यातील खुलताबाद तालुक्यातील 10 गावांना 5 जेसीबी, 16 पोकलेन, तर फुलंब्री तालुक्यातील 13 गावांना 10 जेसीबी, 7 पोकलेन उपलब्ध करून देण्यात आले.काही ठिकाणी चांगले श्रमदान दिसून आले, मात्र लोकसहभागातून डिझेलची रक्कम उभारली आहे अशा जाफ्राबादवाडी, चिंचोली बु. या गावांमघ्ये मशिनद्वारे करण्यात आलेल्या कामांसाठीचे डिझेलही संघटनेने दिले. मराठवाड्यातील बीड जिल्ह्यातील 26 गावांमध्ये जेसीबी आणि पोकलेन मिळून 52, लातूर जिल्ह्यातील 32 गावांना 55, उस्मानाबाद जिल्ह्यातील 16 गावांना 33 मशिन उपलब्ध करून देण्यात आल्या. 8 एप्रिल ते 22 मे या 45 दिवसांच्या दरम्यान ग्रामस्थांनी लोकसहभागातून मोठया प्रमाणात जलसंधारणाची कामे केली. त्यांना मशिन उपलब्ध करून देत संघटनेने साथ दिली.
