विद्यार्थ्यांसाठी ‘बेस्ट’चा प्रवास महागणार, दरवाढीचा प्रस्ताव मांडणार
आज बेस्ट समितीची बैठक होणार आहे, यामध्ये हा प्रस्ताव मांडला जाईल. दिवसेंदिवस वाढत चाललेल्या तोट्यामुळं बेस्टनं हा निर्णय घेतला आहे. सध्या पहिल्या दोन किलोमीटर अंतराच्या मासिक पाससाठी 360 रुपये मोजावे लागतात. आता त्यासाठी 575 रुपये द्यावे लागणार आहे. तिमाही पास 1060 रुपयांवरुन साधारण 1725 रुपयांवर जाणार आहे. वातानुकूलित बसचा मासिक पास 660 रुपयांवरुन 1200 रुपये होणार आहे.
