’सरकारनामा’फेम लेखक, दिग्दर्शक अजेय झणकर यांचं निधन
झणकर यांनी जाहिरात क्षेत्रात एक स्वतंत्र ओळख निर्माण केली होती. ‘मार्केट मिशनरीज’ संस्थेचे ते संस्थापक होते. ‘महाराष्ट्र टाइम्स’च्या मुंबई आवृत्तीसाठी त्यांनी अनेक वर्षे काम केलं. झणकर यांच्या ‘सरकारनामा’ व ‘द्रोहपर्व’ या दोन कादंबर्यांनी मराठी साहित्यविश्वात वेगळं स्थान निर्माण केलं. ‘सरकारनामा’ या कादंबरीवर बेतलेल्या ‘सरकारनामा’ या चित्रपटाने अनेक विक्रम प्रस्थापित केले. या चित्रपटाचे निर्माते, पटकथा लेखन तसेच चित्रपटातील ‘अलवार तुझी चाहूल’ या गाण्याचे गीतकार अशी बहुढंगी भूमिका त्यांनी बजावली.
