लातुरचा बाजार होणार सुरु , हमालप्रश्नी नेमली समिती
बाजार समितीच्या आडत बाजारात काम करणार्या हमालांच्या कामांचे दर वाढवावेत या मागणीसाठी हमालांनी संप पुकारला आहे. सहय्यक कामगार आयुक्तांच्या उपस्थितीत बैठक होऊनही तोडगा न निघाल्याने आजवर सौदा निघू शकला नाही. व्यापारी आणि हमालांच्या भांडणात शेतकरी मात्र भरडला गेला. हमालीची दरवाढ होईल पण हमालांनी अडवणूक करु नये याची हमी व्यापार्यांना हवी आहे. आज लातुरच्या या बाजारात लाखो क्विंटल शेतमाल विक्रीसाठी पडून आहे. तिकडे व्यापारी अडून होते, इकडे हमाल आपल्या भूमिकेवर ठाम होते, शेतकरी मात्र दोघांकडे हताशपणे पहात होते.
