कोहलीच्या बंगळुरुचं आव्हान साखळीतच गारद, पुण्याकडून धुव्वा
खरं तर पुण्यानं बंगळुरुला विजयासाठी 158 धावांचं माफक आव्हान दिलं होतं. पण बंगळुरुला 20 षटकांत 9 बाद 96 धावांचीच मजल मारता आली. बंगळुरुकडून कर्णधार विराट कोहलीनं एकाकी झुंज दिली. त्यानं 48 चेंडूंत 4 चौकार आणि एका षटकारासह 55
धावांची खेळी केली. बंगळुरुच्या इतर फलंदाजांना दोन आकडी धावा करता आल्या नाहीत. पुण्याकडून इम्रान ताहिरनं 18 धावांत तीन, तर लॉकी फर्ग्युसननं सात धावांत दोन फलंदाजांना माघारी धाडलं. त्याआधी राहुल त्रिपाठीच्या 37, स्टीव्हन स्मिथच्या 45 आणि मनोज तिवारीच्या नाबाद 44 धावांच्या खेळींच्या जोरावर पुण्यानं 20 षटकांत तीन बाद 157 धावांची मजल मारली होती.
