मुंबईत उभारणार बुर्ज खलिफापेक्षा उंच इमारत, नितीन गडकरींची माहिती
जहाज मंत्रालयाची जमीन बिल्डर किंवा गुंतवणूकदारांना देणार नसल्याचं सांगून गडकरी पुढे म्हणाले की, आमच्याकडे हा परिसर विकसित करण्याची नवी योजना आहे. आम्ही या जागेवर एक ग्रीन आणि स्मार्ट रोड बनवणार आहोत. जो मरिन ड्राईव्हपेक्षा तिप्पट मोठा असेल. तसेच आम्हाला दुबईमधील बुर्ज खलिफापेक्षाही मोठी इमारत उभारायची आहे. यासाठी योजना तयार आहे, केवळ त्याला कॅबिनेटची मंजूरी मिळण्याची आम्ही वाट पाहात आहोत.
देशातल्या सर्वात मोठ्या 12 बंदरांपैकी एक असलेल्या मुंबई बंदराची मालकी 1873 पासून मुंबई पोर्ट ट्रस्टकडे मालकी आहे. एका अधिकार्‍याने दिलेल्या माहितीनुसार, जवळपास 500 हेक्टरवर हा प्रकल्प उभारला जाणार आहे. यात बंदराचं व्यवस्थापन, उद्योग, कॉर्पोरेट ऑफिस, किरकोळ बाजरपेठ, मनोरंजन आदींसोबतच कॉन्व्हेंशन सेंटर उभारले जाणार आहेत.
