कोंभाळणेच्या उपसरपंचपदी हिराबाई सदगीर

अकोले, दि. 25 - अकोले तालुक्यातील आग्रगण्य असणार्‍या कोंभाळणे ग्रामपंचायतच्या उपसरपंचपदी हिराबाई भरत सदगीर यांची बिनविरोध निवड करण्यात आली आहे.
सरपंच हिरामन पोपेरे यांच्या अध्यक्षतेखाली झालेल्या सभेत रिक्त झालेल्या उपसरपंचपदी सौ. हिराबाई भरत सदगीर यांची बिनविरोध निवड झाल्याने त्यांचे सर्वच परिसरातून स्वागत होत आहे. त्यांचे माजी मंत्री मधुकरराव पिचड, आमदार वैभवराव पिचड, जिल्हा बँकेचे अध्यक्ष सीताराम पा. गायकर, जेष्ठ नेते मीनानाथ पांडे, किसन सदगीर, बाजार समितीचे संचालक मुरलीधर ढोन्नर, अगस्ती कारखान्याचे संचालक भास्कर बिन्नर, बबन बिन्नर, तुकाराम सदगीर, मुकेश सदगीर, दत्तू सदगीर आदींनी अभिनंदन केले.