पाण्यासाठी 45 डिग्रीच्या उन्हात शेतकर्‍यांचं 6 दिवसांपासून आंदोलन
जनहित शेतकरी संघटनेनेही शेतकर्‍यांच्या या आंदोलनाला पाठिंबा देत आमरण उपोषणाला सुरुवात केली आहे. जलसंपदा मंत्री गिरीश महाजन यांच्या प्रतिकात्मक पुतळ्याचं दहन करत शेतकरी आक्रमक झाले आहेत. 21 वर्षांपूर्वी तत्कालीन युती सरकारच्या काळात आष्टी उपसा सिंचन योजना मंजूर झाली. चार वेळा आघाडी सरकारचा कालावधी लोटला. राज्यात सत्तांतर झालं. पुन्हा युतीचं सरकार राज्यात सत्तारूढ झालं. नेहमीप्रमाणे शेतकर्‍यांच्या पदरात आश्‍वासनाच्या पलीकडे काहीच पडलं नाही. आता पाणी मिळेपर्यंत मागे हटायचं नाही, असा निर्धार शेतकर्‍यांनी केला आहे.
