माणकचंदजी बोथरा यांचा मानपत्र देऊन विशेष सन्मान
कार्यक्रमाच्या सुरुवातीला असोसिएशनचे सचिव विशाल शेटीया यांनी सर्व उपस्थितांचे स्वागत केले व पारस उद्योग समुह व बोथरा परिवाराचे अहमदनगर शहराच्या औद्योेगिक, वैद्यकीय व सामाजिक क्षेत्रामध्ये असलेल्या मोठ्या योगदानामुळेच त्यांचा नुकताच मुंबई येथे मुख्यमंत्री ना.देवेंद्र फडणवीस यांच्या हस्ते विशेष सन्मान करण्यात आला. याची जाणिव ठेवून समाजाच्यावतीनेही आज त्यांचा विशेष गौरवपत्र देऊन सन्मान करण्यात येत आहे, असे सांगितले.
संघाचे अध्यक्ष विलास लोढा यांनी आपल्या भाषणात बोथरा परिवाराचे सर्वच क्षेत्रात असलेले योगदान महत्वाचे आहे. त्याबद्दल त्यांनी सविस्तर विवेचन केले. औद्योगिक क्षेत्रामध्ये भरभरुन प्रगती करीत असलेले बोथरा परिवारातील सदस्य औद्योगिक क्षेत्राबरोबरच सामाजिक क्षेत्रातही तन-मन-धनाने आपले योगदान देऊन सामाजिक क्षेत्रातही मोठी उंची त्यांनी प्राप्त केली आहे. आज देश-विदेशातही पारस उत्पादनाने आपली बाजारपेठ काबीज केली आहे. या सर्व गोष्टी असूनही आपल्या सामाजिक क्षेत्रातील योगदान थोडीही कमी न करता वाढच केली आहे, ही बाब अभिनंदनीय असल्यास सांगून बोथरा परिवाराचे आभार मानले. या परिवारातील भावी पिढी चि.प्रणेश, रौनक, गौरव, रोहन, प्रथमेश, प्रसन्न हेही या व्यवसायाची धुरा सांभाळात आहे ही अतिशय मोलाची बाब असून, त्यांच्या पुढील कार्यास त्यांनी शुभेच्छा दिल्या.
