वन विभागाच्या‘चांदा ते बांदा’ योजनेसाठी 10 कोटी 17 लाख रुपयांचा निधी
राज्यमंत्री वित्त व नियोजन यांच्या अध्यक्षतेखाली या पथदर्शी कार्यक्रमाच्या अंमलबजावणीसाठी समिती नेमण्यात आली असून वन विभागांतर्गत योजनेमध्ये विविध प्रकारची कामे केली जाणार आहेत. यामध्ये चंद्रपूर वनवृत्तामध्ये मोहाफुले गोळा करणे, त्यावर शास्त्रोक्त पद्धतीने प्रक्रिया करणे, मधमाशापासून बनवलेले (मध पोळ्यापासून) मध उत्तम दर्जाचे असल्याने मधमाशी संकलन पेटीची काळजी घेणे आणि सफाई करण्यासाठी वेळोवेळी मधमाशी संकलनकर्त्याला प्रशिक्षण देणे, त्या अनुषंगाने चंद्रपूर वनवृत्तामधील संयुक्त वन व्यवस्थापन समितीमार्फत सदर क्षेत्रात प्रशिक्षण केंद्र उभारणे व तेथील जनतेला प्रशिक्षण व मार्गदर्शन देणे यासारखे काम केले जाणार आहे. डिसेंबर 2016 मध्ये या योजनेकरिता 1097 लाख निधी अर्थसंकल्पित करण्यात आला आहे. त्यापैकी 1017.60 लाख निधी वितरित व खर्च करण्यास वन विभागाने मान्यता दिली आहे.
