संत वचनाने जीवन सुखमय व शांतीमय होवू शकते - हभप कदम महाराज
महाशिवरात्री निमित्त फुलसौंदर मळा येथे सुरु असलेल्या अखंड हरिनाम सप्ताहाच्या सांगता प्रसंगी काल्याची दहिहंडी शिवसेना उपनेते अनिल राठोड व ह.भ.प.ज्ञानेश्‍वर माऊली कदम यांच्या हस्ते फोडण्यात आली. याप्रसंगी महापौर सुरेखा कदम, माजी महापौर भगवान फुलसौंदर, शहर बँक चेअरमन अशोक कानडे, शहरप्रमुख दिलीप सातपुते, जि.प.सदस्य संदेश कार्ले, नगरसेविका सुनिता फुलसौंदर, सुवर्णा जाधव, अनिल बोरुडे, गणेश कवडे, दत्ता जाधव, संजय शेंडगे, संभाजी कदम, सुरेश तिवारी, दत्ता मुदगल, विष्णु फुलसौंदर, कारभारी सुपेकर, अनिल साळुंके,जालिंदर बोरुडे, विष्णू म्हस्के, अशोक बाबर, संदेश झोडगे, आदि उपस्थित होते. पुढे बोलताना कदम महाराज म्हणाले, किर्तनाला गर्दी असून उपयोग नाही तर अध्यात्माची आवड असणार्यांची आवश्यकता आहे. या ठिकाणातून होणार्या किर्तनातून काहीतरी संदेश जाताना नेला पाहिजे. धार्मिकतेबरोबरच सामाजिकतेची जाणिव महत्वाची आहे. समाजात चाललेल्या अनिष्ठ गोष्टींचा सर्वांनी विचार करुन वाहवाहत चालेल्या पिढीला आवर घालणे गरजेचे आहे. प्रत्येकाने मोठ्यांचा सन्मान केला पाहिजे, असेही त्यांनी प्रबोधन केले.
