राष्ट्रध्वजाचा उचित वापर करावा
कागदापासून तयार केलेले ध्वज महत्वपूर्ण सांस्कृतिक क्रिडा विषयक कार्यक्रमांच्या वेळी लावता येतात. अशा कागदी ध्वजांची कार्यक्रमानंतर विल्हेवाट लावण्यात यावी असे ध्वजसंहितेत नमूद केले असून देखील राष्ट्रध्वजाचा अवमान झाल्याचा दिसून येतो. इतस्त: पडलेले राष्ट्रध्वज जिल्हाधिकारी व तहसिलदार यांनी विल्हेवाट लावण्यासंबंधी गृह विभागाच्या सूचना आहेत. कार्यक्रम पार पाडल्यानंतर खराब झालेले, माती लागलेले राष्ट्रध्वज मैदानात, रस्त्यावर, कार्यक्रमांचे ठिकाणी पडलेले राष्ट्रध्वज नागरिकांनी जिल्हा, तालुका व गावस्तरावर असणार्या महसूल यंत्रणेकडे सुपूर्द करावेत. जिल्हा स्तरावर व तालुका स्तरावर सुपूर्त केलेल्या राष्ट्रध्वजांची नियमानुसार विल्हेवाट लावण्यात येईल असे निवासी उपजिल्हाधिकारी राजेंद्र मुठे यांनी प्रसिध्दीपत्रकाद्वारे कळविले आहे.
