पंतप्रधान मोदींच्या हस्ते शिवस्मारकाचं भूमिपूजन संपन्न
पंतप्रधानांनी महाराष्ट्रातील विविध ठिकाणांहून आलेली माती आणि जल शिवस्मारकाच्या नियोजिक ठिकाणी अर्पण केली. त्यानंतर पूजा झाली आणि भूमिपूजनाच सोहळा संपन्न झाला. यानंतर मोदी असलेल्या हॉवरक्राफ्टने स्मारकाच्या ठिकाणी उभारलेल्या शिवाजी महाराजांच्या प्रतिमेला प्रदक्षिणा घातली. भूमिपूजनच्या या कार्यक्रमाला पंतप्रधान नरेंद्र मोदी, राज्यपाल सी विद्यासागर राव, शिवसेना पक्षप्रमुख उद्धव ठाकरे, शिवाजी महाराज यांचे वंशज उदयनराजे आणि संभाजीराजे उपस्थित होते.
अरबी समुद्रातील 16 हेक्टर आकाराच्या खडकावर छत्रपती शिवाजी महाराजांचा धातूचा अश्‍वारुढ भव्य पुतळा साकारण्यात येणार आहे. या स्मारकाला एकूण 3600 कोटी इतका खर्च येणार आहे. स्मारकासोबत शिवकालीन इतिहास आणि अनेक अद्यायावत सुविधा याठिकाणी असणार आहेत.
