टीम इंडिया, अश्‍विन आयसीसीच्या कसोटी क्रमवारीत अव्वल स्थानी कायम
विराट कोहलीच्या नेतृत्त्वाखाली भारतीय संघाने न्यूझीलंडचा 3-0 असा धुव्वा उडवून आयसीसी क्रमवारीतले आपले अव्वल स्थान भक्कम केले होेते. भारताच्या या कामगिरीमुळे पाकिस्तान 111 गुणांसह दुसर्‍या स्थानावर आहे. तिसर्‍या स्थानावरच्या ऑस्ट्रेलियाच्या खात्यात 110 गुण आहेत.
कसोटी गोलंदाजांच्या आयसीसी क्रमवारीत भारताच्या रवीचंद्रन अश्‍विननेही 900 गुणांसह आपली आघाडी कायम राखली आहे. या क्रमवारीत दक्षिण आफ्रिकेचा डेल स्टेन 878 गुणांसह दुसर्‍या, तर इंग्लंडचा जेम्स अँडरसन 853 गुणांसह तिसर्‍या स्थानावर आहे.
कसोटी फलंदाजांच्या आयसीसी क्रमवारीत सर्वोत्तम स्थानावरचा भारतीय हा मान अजिंक्य रहाणेकडेच कायम आहे. तो 825 गुणांसह सहाव्या स्थानावर आहे. चेतेश्‍वर पुजारा आणि कर्णधार विराट कोहली यांनी या क्रमवारीत अनुक्रमे चौदावे आणि सोळावे स्थान राखले आहे.
