जबरी अत्याचार करुन मुलीचा खून
। कोपर्डीतील घटना । आरोपी जेरबंद । घटनेच्या निषेधार्थ कर्जतमध्ये बंद, रस्ता रोको
लैगिग अत्याचाराची घटना बुधवारी सायंकाळी 7 च्या सुमारास उघडकीस आली. या घटनेमुळे कर्जत व श्रीगोंदा तालुक्यात खळबळ उडाली. गेल्या अनेक दिवसापासून दोन्ही तालुक्यात अशा घटनांमध्ये वाढ झाल्यामुळे मुलींच्या पालकांमध्ये घबराटीचे वातावरण निर्माण झाले आहेे. मयत मुलीच्या नातेवाईकांच्या फिर्यादीवरुन गुन्हा दाखल करण्यात आला आहे. घटनेची माहिती मिळाल्यानंतर उपविभागीय पोलिस अधिकारी विजय लंगारे,पोलिस निरीक्षक शिवाजी गवारे, यांनी घटनास्थळी भेट दिली. गुरुवारी दुपारी अधिक्षक डॉ.सौरभ त्रिपाठी यांनीही भेट देऊन माहिती घेतली. त्यानंतर आरोपी जेरबंद करण्यात आला.
दरम्यान, कर्जत तालुक्यातील कोपर्डी येथील घटनेमुळे पुन्हा या समाजवादी म्हणवणार्या महाराष्ट्राला विचार करण्यास लावणारी व काळिमा फासणारी घटना घडली. याचे तीव्र पडसाद जिल्ह्याचे पालकमंत्री असलेल्या ना. प्रा. राम शिंदे यांच्या मतदार संघामध्ये सदर घटना घडल्यामुळे याचे विधानभवनामध्ये तीव्र पडसाद उमटले पाहिजेत. जेणेकरून असे कृत्य करताना आरोपीच्या अंगावरील रोम उभे राहिले पाहिजेत. सदर मुलगी ही अल्पवयीन असून इयत्ता नववीमध्ये शिकत होती. ती ग्रामीण भागातील आहे. ग्रामीण भागातील मुलीना शिक्षणासाठी पायी पाच ते सहा किलोमीटर जावे लागते. अशावेळी रस्त्याने जाताना एकट्यादुकट्या मुलीला गाठून अत्याचार करण्याचे प्रमाण वाढले आहे. अशा गोष्टीचा वेळीच बंदोबस्त झाला पाहिजे. या सरकारची ही नैतिक जबाबदारी आहे. आरोपी राजेंद्र शिंदे व इतर चार जण यांनी अल्पवयीन मुलीवर शाळेत जात असताना तिच्यावर अत्याचार करून तिचा खून केला अशा नराधमाला फाशीची शिक्षा व्हावी असे दक्षिण जिल्हाध्यक्ष नितीन भापकर म्हणाले.
