रेल्वे गाड्यांचे वेळापत्रक बदला;महापौर,उपमहापौरांचे रेल्वेप्रशासनाला निवेदन
परभणी येथून ते आठ ते 15 दिवसांना ये जा करतात. सणासुदीच्या दिवशी दिवाळी, दसरा, ईद, डॉ. बाबासाहेब आंबेडकर जयंती निमित्त येतात. शहरातील ट्रॅव्हल्स त्या काळात दुपटीने भाडे आकारतात. यासाठी रेल्वे प्रशासनाने पुणे येथे जाण्यासाठी सायंकाळी 7 वाजता गाडी निघण्याची वेळ निश्चित करावी जेनेकरून पुणे यथे सकाळी 7 वाजता पोहचेल. शहरातील नागरीक, विद्यार्थी यांच्यासाठी सोयीस्कर होईल. तसेच परभणी ते मुंबईसाठी दिवसभरात तीन गाड्या आहेत. सकाळी 11.20 वाजता तपोवन एक्सप्रेस त्यानंतर सायंकाळी 6.20 वाजता नंदिग्राम एक्सप्रेस व 7.10 वाजता देवगीरी एक्सप्रेस आहे. ही देवगीरी एक्सप्रेस औरंगाबाद येथे रात्री 11 वाजता पोहचते. यापूर्वी देवगीरी एक्सप्रेस परभणी येथून 8 वाजता निघत होती. तीसुद्धा औरंगाबाद येथे रात्री 11 वाजता पोहचते सध्या देवगीरी एक्सप्रेस 7.00 वाजता निघते ते औरंगाबाद येथे रात्री 11 वाजता पोहचते. एक तासाचा वेळ धिम्यागतीने
गाडी जाते. त्याऐवजी देवगीरी एक्सप्रेस परभणी येथून रात्री 8 वाजता सुरू करावे. तसेच परभणी येथून मुंबई जाण्यासाठी सकाळी 11.20 ते सायंकाळी 620 एवढे अंतर या दोन गाड्यामध्ये आहे. मुंबई जाण्यासाठी दुपारी 2 वाजता गाडी सुरू करावी अशी मागणी महापौर सौ. संगिताताई वडकर, उपमहापौर भगवान वाघमारे यांनी केली. यावेळी स्थानिक रहिवासी रितेष जैन, नितीन इजाते, घुले आदी उपस्थित होते.
