खालापूर-सिंहगड 20 किमीचा भुयारी मार्ग
आमदार सुभाष पाटील यांनी यासंदर्भात लक्षवेधी सूचना मांडली होती. यावर शिंदे यांनी सांगितले की, मुंबई-पुणे द्रुतगती मार्गावर अपघाताचे प्रमाण शून्यावर आणण्यासाठी राज्य सरकारमार्फत विविध उपाययोजना करण्यात येत आहेत.
दरडी कोसळू नयेत म्हणून हायटेन्साईल वायर, ब्रायफेन वायर वापरून दुभाजक ओलांडून होणा-या अपघातांना प्रतिबंध करण्यात येत आहे. येत्या सहा महिन्यांत या द्रुतगती मार्गावर ई-टोल यंत्रणा कार्यान्वित करण्यात येईल. गणेशोत्सवापूर्वी मुंबई-गोवा महामार्गाच्या दुरुस्तीचे काम पूर्ण करण्यासाठी सार्वजनिक बांधकाम मंत्र्यांसमवेत सर्वपक्षीय लोकप्रतिनिधींची बैठक घेण्यात येईल, अशी माहितीही त्यांनी दिली.
