हेड अॅण्ड टेल क्रिकेट संघ विजेता व सावेडी क्रिकेट क्लब उपविजेता
यंदा राज्याभिषेक सामाजिक प्रतिष्ठान आयोजित टेनिस बॉल क्रिकेट स्पर्धा गेल्या 8 दिवसांपासून सावेडीनाका मैदानावर सुरू होती. या स्पर्धेत जिल्ह्यातील 32 क्रिकेट संघांनी आपले सहभाग नोंदवला. अंतिम सामना हेड अॅण्ड टेल व सावेडी क्रिकेट क्लब यांच्यात झाला. हेड अॅण्ड टेल संघाने नाणेफेक जिंकून 8 षटकांत 6 बाद व 94 धावांचे आव्हान सावेडी क्रिकेट क्लबसमोर ठेवले. मात्र, सावेडी क्रिकेट क्लबने 8 षटकांत 3 गड्यांच्या मोबदल्यात 64 धावांपर्यंत मजल मारली. हेड अॅण्ड टेल संघाने 20 धावांनी हा सामना जिंकला. त्यांना रोख 31 हजार रुपयांचे पारितोषिक व चषक रवीभाऊ वाकळे यांच्या हस्ते प्रदान करण्यात आला. यावेळी मनपा सभागृहनेते कुमारसिंह वाकळे, योगेश गलांडे, आकाश दंडवते, सचिन काळे, अरविंद वाकळे, बाळासाहेब बारस्कर, सचिन वाकळे, तुषार काळे, शिवा आढाव, प्रदीप चेमटे, गणेश बारस्कर, अॅड. महेश काळे, संजय आडोळे, महेश गलांडे, बाळासाहेब बारस्कर, गुलाब वाकळे, राजेंद्र वाकळे, योगेश बारस्कर, दिलीप वाकळे, विजय वाकळे, अशोक थोरात, महादेव बारस्कर, विजय वाकळे, स्वप्नील शेटे आदी उपस्थित होते. उपविजेत्या सावेडी क्रिकेट क्लबला 21 हजार रुपये योगेश गलांडे व आकाश दंडवते यांच्या हस्ते देण्यात आले. तृतीय पारितोषिक 11 हजार रुपये बीएमएससी क्रिकेट क्लबला देण्यात आले. मॅन ऑफ द सिरीजचा किताब गीतेश शार्दूल याला देण्यात आला. मॅन ऑफ द मॅच मानकरी मुद्दसर तांबटकर ठरला.
