दहशतवादी हल्ल्यात तीन जवान शहीद

श्रीनगर, 21 - जम्मूतील पंपोर इथंल्या सीआरपीएफच्या तुकडीवर दहशतवाद्यांनी केलेल्या हल्ल्यात कॅप्टनसह दोन सीआरपीएफचे जवान शहीद झाले असून नऊ जण जखमी झाले आहेत. जखमींमध्ये एका नागरिकाचाही समावेश आहे. शनिवारी सायंकाळपासून सुरु असलेली चकमक अद्यापही सुरु आहे.

शनिवारी संध्याकाळी दहशतवाद्यांनी जम्मू-श्रीनगर हायवेवर सीआरपीएफच्या बसवर हल्ला केला होता. त्यानंतर ही चकमक सुरु झाली. अकरा सीआरपीएफचे जवान या बसमध्ये होते. हे सर्व जखमी झालेत. बसवर हल्ला केल्यानंतर हे तीन दहशतवादी एका इमारतीमध्ये घुसले होते. या इमारतीत जवळपास दोनशे नागरिक होते. त्यांना सुरक्षित बाहेर काढण्यात यश आले. कालपासून या इमारतीला घेरण्यात आले.