स्त्री पुरुषाचा मृतदेह आढळला

  बुलडाणा (प्रतिनिधी)। 16 - शहरापासून नजदीक असलेल्या राजूर घाटात एका सागाच्या झाडाला दोन मृतदेह आढळून आले. नायलॉनच्या दोरीने गळफास घेवून सदर आत्महत्या करण्यात आली. एक मृतदेह महिलेचा असून दुसरा पुरुष आहे. या आत्महत्येने एकच खळबळ उडाली असून आत्महत्येमुळे अनेक तर्क वितर्कांना उधान आले आहे.   

राजूर घाटातील बालाजी मंदिरासमोर मलकापूर रोडच्या उजव्या बाजूला सकाळी दोन मृतदेह सागाच्या झाडाला लटकलेल्या स्थितीत आढळून आले. चौधरी पंपावरील कर्मचार्‍याने सदर माहिती बुलडाणा पोस्टेला दिली. या वरुन बुलडाणा पोलीसांनी तपास केला असता सदर मृतदेह गजानन गणपत उबाळे वय 30 रा.धामनगांव बढे तसेच कासाबाई संदिप जाधव वय 32 रा. धा.बढे यांचे असल्याचे निष्पण्ण झाले. मृतक कासाबाई संदिप जाधव ह्या आजरोजी माहेरी सागवन येथे राहत असल्याचे समजते. आत्महत्येचे कारण मात्र कळू शकले नाही. या बाबत बुलडाणा पोलीसांनी आकस्मीक मृत्यूची नोंद केली असून मर्ग दाखल केला आहे. पुढील तपास पोलीस उप निरीक्षक के.एच.तोमर ह्या करीत आहेत.