पुढील निवडणुकीत जनताच मोदींना धूळ चारेल - यशवंत सिन्हा

नवी दिल्ली, 31 -  भारतीय जनता पक्षाचे ज्येष्ठ नेते यशवंत सिन्हा यांनी मोदींची तुलना माजी पंतप्रधान इंदिरा गांधींशी करत सिन्हा यांनी मोदींचा नामोल्लेख न करता घणाघाती टिका केली आहे. सध्याची परिस्थिती पाहता पुढील निवडणुकीत जनता भाजपला चांगलीच धूळ चारेल, असा टोलाही सिन्हांनी यावेळी लगावला.

सिन्हा म्हणाले, देशात आणीबाणीनंतर काँग्रेसला पराभवाचा सामना करावा लागला होता, तशीच स्थिती पुढील निवडणुकीत भाजपवर ओढावणार आहे. जनता सगळ्या गोष्टी लक्षात ठेवत असते. 

गोव्यातील डाउना पाऊला येथील एका महाविद्यालयात आयोजित ’डिफिकल्ट डायलॉग’ या कार्यक्रमादरम्यान सिन्हा बोलत होता. कार्यक्रमाला सीपीएमचे जनरल सेक्रेटरी सीताराम येच्युरी उपस्थित होते. सिन्हा म्हणाले, ’जनतेशी संवाद साधणे, ही भारतीय लोकशाहीची मोठी ताकद आहे. पण, सध्याची पसिस्थिती अजिबात तशी नाही. चुका होऊ शकतात, पण सध्याची स्थिती बघता भविष्याची काळजी वाटत आहे.  इंदिरा गांधींच्या काळात काँग्रेसने अशाच प्रकारची डोळेझाक केली होती आणि त्यावेळी सरकार फक्त 19 महिनेच टिकू शकले होते.भाजपात मोदी विरोधी वातावरण निर्माण झाल्याचे दिसत आहे. मोदींवर टीका करणार्यांची संख्या वाढली आहे. सिन्हा देखील त्यापैकीच एक आहे.लालृकष्ण अडवाणी, मुरली मनोहर जोशी सारख्या ज्येष्ठ नेत्यांसह यशवंत सिन्हा व शत्रुघ्न सिन्हा यांनी देखील आतापर्यंत अनेकदा नरेंद्र मोदी-अमित शाहांवर टिकास्त्र सोडले आहे.