‘साई आदर्श’ने ठसा उमटवला : खेवरे

राहुरी ता. प्रतिनिधी

साई आदर्श मल्टीस्टेटने सर्व सामान्य जनतेला, तरुणांना व छोट्या व्यापाऱ्यांना आर्थिक स्रोत निर्माण आहे. यातून तरुणांना पुढे जाण्याची संधी निर्माण झाली आहे. योग्य नियोजन असल्याने या संस्थेने आदर्शाचा ठसा उमटवला आहे, असे प्रतिपादन शिवसेना उत्तर नगर जिल्हा प्रमुख पै. रावसाहेब खेवरे यांनी केले.

साई आदर्श मल्टीस्टेटच्या मुख्य कार्यालयास शिवसेना नगर जिल्हा प्रमुख रावसाहेब खेवरे यांनी नुकतीच सदिच्छा भेट दिली. त्यावेळी ते बोलत होते. यावेळी संस्थेचे संस्थापक अध्यक्ष शिवाजीराव कपाळे यांनी त्यांचा सन्मान केला. यावेळी सतीश वाळूंज, वेदांत कपाळे, नाना डाडर, विशाल लोंढे, किशोर थोरात, डॉ. विलास पाटील, बाळासाहेब तांबे, अविनाश साबरे, विष्णुपंत गीते व कर्मचारी उपस्थित होते.