वंचित घटकांच्या नेत्रोपचारासाठी स्वस्त, अत्याधुनिक तंत्रज्ञान शोधण्याचे राज्यपालांचे आवाहन

मुंबई : समाजातील आर्थिक, सामाजिकदृष्ट्या वंचित घटकांच्या नेत्रोपचारासाठी नेत्रतज्ञांनी सर्वोत्तम, स्वस्त आणि अत्याधुनिक तंत्रज्ञान शोधून काढावे. देशातील अंधत्व दूर करण्याचे आव्हान नेत्र तज्ज्ञांनी स्वीकारावे, असे आवाहन राज्यपाल चे. विद्यासागर राव यांनी आज केले.
बाराव्या आंतरराष्ट्रीय 'अॅडव्हान्सेस इन ऑप्थॅल्मोलॉजी’ काँग्रेसच्या आणि इंटरनॅशनल अकॅडमी फॉर अडव्हान्सेस इन ऑप्थॅल्मोलॉजीच्या 24 व्या वर्धापन दिनानिमित्त इंडियन अकॅडमी ऑफ अडव्हान्सेस इन ऑप्थॅल्मोलॉजीकडून आयोजित "आयऍडव्हान्स 2018" काँग्रेस या कार्यक्रमात श्री. राव बोलत होते.