शेतकरी प्रशिक्षण शिबीर उत्साहात

तालुक्यातील पिंपळगाव माळवी येथे नुकतेच खत व्यवस्थापन - शेतकरी प्रशिक्षण शिबीर पार पडले. यावेळी गावातील शेतकर्‍यांकडून या शिबिरास चांगला प्रतिसाद मिळाला. कार्यक्रमाच्या अध्यक्षस्थानी पिंपळगाव माळवीचे सरपंच संतोष झिने होते, तर शरद फर्टिलायझरचे ग्यानबा क्यादर, आणि कृषी सहाय्यक डुकरे हे होते. 
यावेळी इंडियन पॉटॅश लि.मी. मुंबई यांच्यातर्फे शेतकर्‍यांना खत व्यवस्थापनाचे महत्व समजावून सांगितले. पावसाळा सुरु होत असल्याने खरीप हंगामाची जोरदार तयारी सुरु असल्याने शेतकर्‍यांना खताचे महत्व समजले पाहिजे, यासाठी या शिबिराचे आयेाजन करण्यात आले होते. कार्यक्रमाचे सूत्रसंचालन आयपीएल कंपनीचे संभाजी कोर्डे यांनी केले. यावेळी चेअरमन प्रताप झिने, प्रगतशील शेतकरी बबन शिंदे यांसह परिसरातील नागरिक मोठ्या संख्येने उपस्थित होते.