काश्मीरमध्ये अपहरण झालेल्या दोघांची हत्या

जम्मू-काश्मीरच्या हाजिन प्रांतातील शाहगुंड गावात अपहरण करण्यात आलेल्या दोघांचे मृतदेह सापडले आहेत. गावातील मशिदीजवळ त्यांचे मृतदेह गावकर्‍यांना सापडले. बाशीर अहमद दार आणि घ हसन दार अशी मृतांची नावे आहेत. दोघेही शाहगुंडचे रहिवासी होते. 5 मेच्या मध्यरात्री या दोघांचे अपहरण करण्यात आले होते. लष्कर-ए-तोयबाच्या दहशतवाद्यांनी त्यांची हत्या केली असावी असा संशय व्यक्त करण्यात येत आहे. याप्रकरणी गुन्हा दाखल करण्यात आला असून तपास सुरु आहे. दरम्यान जम्मू-काश्मीरमधील चट्टबल परिसरात दहशतवादी आणि भारतीय लष्करात तुफान चकमक सुरु आहे.