ग्रामीण भागातील युवकांनी शेतीला उद्योग धंद्याची जोड द्यावी - घुले

शेवगाव, ग्रामीण भागातील युवकांनी आपल्या पारंपारिक शेती व्यवसायाला छोट्या उद्योग धंद्याची जोड देवून कुटुंबाची सर्वांगीण प्रगती साध्य करण्याची आवश्यकता राष्ट्रवादीचे जिल्हाध्यक्ष माजी आमदार चंद्रशेखर घुले यांनी व्यक्त केली .शेवगाव येथील शरद जोशी, अभिजित अग्रवाल, अमित भाडाईत यांनी तालुक्यातील बोधेगाव येथे नव्याने सुरु केलेल्या छत्रपती टी.व्ही.एस. शोरूमचा शुभारंभ हनुमान जयंतीच्या पावन मुहुर्तावर माजी आमदार चंद्रशेखर घुले यांच्या हस्ते झाले , यावेळी घुले बोलत होते. 

पंचायत समितीचे माजी सभापती अरुण लांडे, बाजार समितीचे माजी सभापती संजय फडके, पंचायत समितीचे उपसभापती शिवाजी नेमाने, सदस्य मंगेश थोरात, प्रभाकर काका हुंडेकरी, भाऊराव भोंगळे, मन्सूर फारुकी, शुभम शिंदे, सिद्धिक शेख, रोहित घेवारी, वैभव बाबर, महेश सोनवणे आदींच्या प्रमुख उपस्थितीत पार पडला.शोरूमचे संचालक शरद जोशी यांनी स्वागत व प्रास्तविक केले तर अभिजित अग्रवाल यांनी आभार मानले.