ताजमहाल परिसरातील पीलर कोसळला

आग्रा : उत्तर प्रदेशातील काही भागात मुसळधार पाऊस होत आहे. याचा तडाखा जगप्रसिद्ध ताजमहाललाही बसला. होत असलेल्या मुसळधार पावसामुळे आज ताजमहालच्या प्रवेश द्वाराचा पिलस कोसळल्याची घटना घडली आहे. सुत्रांनी दिलेल्या माहितीनुसार, ताजमहालच्या दक्षिणेकडील प्रवेशद्वाराचा हा पिलर गुरुवारी मध्यरात्री कोसळला. अद्याप, यात कसल्याही प्रकारची दुर्घटना झाल्याचे वृत्त नाही. एका घटनेत पावसामुळे घराचे छत कोसळून तीन मुलांचा मृत्यू झाला. ही घटना आगर्‍यापासून 50 किलो मीटर अंतरावर मथुरा जिल्ह्यात घडली. यावेळी मुलांचे आईवडील रोजंदारीवर गेलेले होते. तसेच या भागातील पिकांचेही पावसामुळे मोठे नुकसान झाले आहे.