चांदा येथे महात्मा फुले जयंती साजरी

नेवासा तालुक्यातील चांदा येथे ग्रामपंचायत कार्यालयात क्रांतीसूर्य महात्मा ज्योतिबा फुले यांच्या जयंतीनिमित्त त्यांच्या प्रतिमेला पुष्पहार घालून अभिवादन करण्यात आले. समतेचा मार्ग दाखवून अन्यायाला वाचा फोडणारे, शिक्षणाचे झरे तयार करून चूल आणि मूल या शब्दाला मोडून शिक्षण आणि संस्कृतीचे धडे शिकवणारे सत्य शोधक, समाजसुधारक स्री शिक्षणाचे पुरस्कर्ते क्रांतिसूर्य महात्मा ज्योतीबा फुले जयंती दिनानिमित्त चांदा येथील ग्रामपंचायत कार्यालयात त्यांच्या प्रतीमेस पुष्पहार अर्पण करून त्यांच्या जीवनाचे महान कार्य यावेळी विषद करण्यात आले. यावेळी चांदा ग्रामपंचायत उपसरपंच भाऊसाहेब जावळे, रावसाहेब जावळे, कैलास दहातोंडे, बाळासाहेब जावळे, संतोष भालके, सतीश पुंड, किंरण जावळे, सादिक शेख, रामेश्‍वर भालके, सोमनाथ बाजारे, अमोल पुंड आदी ग्रामस्थ उपस्थित होते.