पंचशील ध्वजाचे ध्वजारोहण

कोपरगाव ता. प्रतिनिधी - भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या जयंतीनिमित्त कर्मवीर शंकरराव काळे कारखाना कार्यस्थळावरील डॉ. बाबासाहेब आंबेडकर उद्यानातीलल डॉ. आंबेडकरांच्या पुतळ्यास जिल्हा सहकारी बँकेच्या संचालिका चैताली काळे यांनी पुष्पहार अर्पण करून अभिवादन केले. यावेळी त्यांच्या हस्ते पंचशील ध्वजाचे ध्वजारोहण करण्यात येवून सामुदायिक बुध्दवंदना घेण्यात आली.

सुरेगाव, कोळपेवाडी, कोळगाव थडी या मार्गावर समता रथ व रॅली काढण्यात आली. या समता रथामध्ये सर्वधर्मीय धर्मगुरूंच्या वेशभूषा परिधान करून समतेचा संदेश देण्यात आला. यावेळी कारखान्याचे उपाध्यक्ष सूर्यभान कोळपे, गिरीश जगताप, जनरल मॅनेजर ए. व्ही. काळे, सुनील कोल्हे, बी. बी. सय्यद, राजेंद्र मेहेरखांब, सरपंच वाल्मिक कोळपे, ग्रामविकास अधिकारी एन. डी. खेडकर, प.स. सदस्या पौर्णिमा जगधणे, राहुल जगधने, सिद्धार्थ मेहेरखांब, मोतीराम निकम, रविंद्र देवकर,अंबादास धनगर, विष्णु सोनवणे, दादासाहेब जगताप, अरुण लोंढे आदी उपस्थित होते.