परभणी : कृषी विद्यापीठात रॅगिंग; विद्यार्थ्याला मारहाण

परभणी, दि. 03, मार्च - वसंतराव नाईक मराठवाडा कृषी विद्यापीठात रॅगिंग आणि मारहाण झाल्याची घटना उघडकीस आली आहे. बीएस्सी अ‍ॅग्रीच्या प्रथम वर्षाच्या विद्यार्थ्याने या प्रकरणी विरोध केल्याने त्याला जबर मारहाण करण्यात आली. सोबत शिकणार्‍या काही विद्यार्थ्यांनी मारहाण केली असल्याची तक्रार शहरातील मोंढा पोलीस ठाण्यात अनिकेत भोसले या विद्यार्थ्याने दिली आहे. या घटनेनंतर रॅगिंगचा मुद्दा पुन्हा एकदा समोर आल्याने विद्यापीठ प्रशासनात एकच खळबळ उडली.