स्थानिकांमुळे गायी चोरण्याचा प्रयत्न फसला
सोनटक्के हे मध्यरात्री उठले असता त्यांच्या घरासमोर असलेल्या संस्कार भवन येथे एक टेम्पो उभा दिसला. इतक्या रात्री कोणाचा टेम्पो आहे, हा संशय आला म्हणून टेम्पो जवळ जाऊन पाहिले त्यावेळी टेम्पो जवळ तीन इसम दिसले. त्यांच्याकडे दोन गायी दिसल्या. कोणाच्या गायी आहेत, याबाबत त्यांनी विचारपूस केली असता त्यांनी या गायी आमच्या आहेत, असे उत्तर दिले. त्यानंतर सोनटक्के यांनी या गायी मी रोज इथेच पाहत असून या इथल्याच आहेत, असे सांगितले. त्यानंतर सोनटक्के यांनी काळोखे यांना फोन करून बोलावून घेतले. दरम्यान, त्यातील दोन जणांनी पलायन केले. तर तिसरा इसम पळून जाण्याच्या तयारीत असताना त्यांच्या टेम्पो च्या चाव्या काढून घेत त्याला पकडले आणि पोलिसाच्या ताब्यात देण्यात आले. याबाबत राजू सोनटक्के यांनी फिर्याद दिली.
