गणेशवाडी शाळेचे स्नेहसंमेलन उत्साहात संपन्न.

राहुरी तालुक्यातील गणेशवाडी (कोल्हार खुर्द) जि. प. प्राथमिक शाळेचे वार्षिक स्नेहसंमेलन उत्साहात पार पडले. या कार्यक्रमाच्या अध्यक्षस्थानी सरपंच प्रकाश पा. शिरसाठ हे होते. स्नेहसंमेलनाचे उद्घाटन राहुरी पं. समितीचे मा. उपसभापती प्रा. दिगंबर पा. शिरसाठ, पं. समिती सदस्या कमलताई भाऊसाहेब लोंढे यांच्या हस्ते झाले. यावेळी प्रमुख पाहुणे म्हणून अ. नगर प्राथमिक शिक्षक बँकेचे व्हा. चेअरमन रावसाहेब सुंबे, संचालक साहेबराव आनाप, बाबा खरात, केंद्रप्रमुख शेलार, केंद्रप्रमुख माने यांनी बहुमोल मार्गदर्शन केले. मुख्याध्यापक सुंबे यांनी प्रास्ताविक केले. शाळा व्यवस्थापन समितीचे अध्यक्ष जयराम जगताप यांनी स्नेहसंमेलनाची गरज स्पष्ट केली. या स्नेहसंमेलनासाठी गंगाधर पुंजाजी डोखे यांनी स्नेहभोजन दिले. चिमुकल्यांच्या कार्यक्रमाला प्रेक्षकांनी उस्फुर्त दाद दिली. या कार्यक्रमाला गोपीनाथ दळे, झिने, बाळासाहेब लोखंडे, पांडुरंग नालकर तसेच अनेक मुख्याध्यापक व शिक्षक, कोल्हार खुर्द परिसरातील ग्रामस्थ मोठ्या संख्येने उपस्थित होते. या कार्यक्रमाचे सुत्रसंचालन धोंडीभाऊ सुंबे यांनी केले व आभार चंद्रकांत लोखंडे यांनी करून कार्यक्रमाची सांगता केली.