जलतरण तलाव दुरुस्तीला प्रारंभ

श्रीरामपूर / शहर प्रतिनिधी - नगरपालिकेच्या श्री छत्रपती संभाजी महाराज जलतरण तलावाच्या दुरुस्तीला नगराध्यक्षा अनुराधा आदिक यांच्या हस्ते नुकताच प्रारंभ झाला. यावेळी नगरसेवक रवी पाटील, शिवसेनेचे शहर प्रमुख सचिन बडदे, युवा नेते सिद्धार्थ मुरकुटे, मनोज आगे, नगरसेवक राजेंद्र पवार, संतोष कांबळे, प्रकाश ढोकणे, दीपक चव्हाण, प्रणिती चव्हाण, जयश्री शेळके, जयंत चौधरी आदींसह असंख्य नागरिक उपस्थित होते. जलतरण तलावाच्या दुरुस्तीचे काम लवकरात लवकर करण्यात येईल, असे आदिक यांनी यावेळी सांगितले. दरम्यान, ‘दैनिक लोकमंथन’नेही जलतरण तलावाच्या दुरावस्थेबाबतचे वृत्त प्रसिद्ध करून पालिकेचे लक्ष वेधले होते.