आ. कोल्हे यांनी फुलविले ‘त्यांच्या’ चेहऱ्यावर हास्य! गोर-गरीबांच्या संसारास गॅसचा हातभार
गरीब आदिवासी मागसवर्गीय दारिद्रयरेषेखालील महिलांना पंतप्रधान नरेंद्र मोदी यांनी उज्वला योजनेअंतर्गत गॅस वितरित केले आहेत. यासाठी मतदार संघातील ४० वंचित महिलांची नावे शोधुन त्यांना आ. कोल्हे यांनी संजीवनी बहुउदद्देशीय संस्थेच्यावतीने गॅस कनेक्षनचे वाटप केले.
याप्रसंगी बोलतांना आ. कोल्हे म्हणाल्या, की शासनाच्या अनंत योजना आहेत. त्या मतदारसंघातील प्रत्येकापर्यंत पोहोचविण्यांसाठी आपण अहोरात्र परिश्रम घेत असतो. महिला बचतगट हा आपला आत्मा आहे. त्या माध्यमातून सुरू केलेले काम आपणांस नेहमीच प्रेरणा देते. या महिलांच्या संसारात छोटासा हातभार लागावा, या उद्देशाने ४० गॅस कनेक्शनचे वितरण करण्यात आले. याप्रसंगी कोपरगांव गॅस कंपनीचे सहायक कर्मचारी निमसे यांनी महिलांना गॅस हाताळण्याबाबत मार्गदर्शन केले. भाजपाचे तालुकाध्यक्ष शरद थोरात, धनेश्वरी कोल्हे आदींसह विविध महिला बचतगटांच्या अध्यक्षा, उपाध्यक्ष, सचिव मोठया संख्येने उपस्थित होते. सतिश लोहकणे यांनी आभार मानले.
