ऊर्जा संवर्धनाची माहिती देणाऱ्या चित्ररथाचा मुख्यमंत्री देवेंद्र फडणवीस यांच्या हस्ते शुभारंभ
राष्ट्रीय ऊर्जा संवर्धन दिनानिमित्त 14 ते 20 डिसेंबर या काळात महाराष्ट्र ऊर्जा अभिकरण (महाऊर्जा) च्या वतीने ऊर्जा संवर्धन सप्ताहाचे आयोजन करण्यात आले आहे. यानिमित्त या पुस्तिका प्रकाशित करण्यात आल्या असून 9 वी व 10 वी च्या विद्यार्थ्यांना याचे वाटप करण्यात येणार आहे. यावेळी महाऊर्जाची माहिती पुस्तिका, ऊर्जा संवर्धन विषयावरील पुस्तिका, तसेच दिनदर्शिका व दैनंदिनीचे प्रकाशन मुख्यमंत्री श्री. फडणवीस यांच्या हस्ते करण्यात आले.
यावेळी ऊर्जा, नवीन व नविकरणीय ऊर्जामंत्री चंद्रशेखर बावनकुळे, ऊर्जा विभागाचे प्रधान सचिव अरविंद सिंह, महावितरणचे व्यवस्थापकीय संचालक श्याम वर्धने, महाऊर्जाचे व्यवस्थापकीय संचालक राजाराम माने, विभागीय महाव्यवस्थापक सारंग महाजन, अतिरिक्त महासंचालक पुरुषोत्तम जाधव आदी उपस्थित होते.